جريدة الخبر العلمية للصحفي حسام خليل

قصيدة بعنوان كان نفسي اكون رسام بقلم عفاف محمد عبد الصادق دنيا وعايشنها كان نفسي اكون رسام ارسم ملامحي وتفاصيل وكمان يومي كان عامل ازاي احكي حكايتي بالوان ريشة ورطوش فنان ارسم قلب مشقوق نصين نص مكسور وحزين ونص طريقه فيه أشجار شجرة تضلل علينا لو تعبنا من المشوار وشجرة عليها عصفور فرحان بيغني لبكره ويحلم بليل آخره نهار شجرة تالتة نمد ايدينا ونقطف منها احلي ثمار كان نفسي اكون رسام ارسم لوحة لشابة حزينة دمعها سيل من الامطار ارسم شاب بيجري عليها يمسح دمعة يقول اشعار وكمان يمكن يكون انسان بروح اب وحضن امان ارسم ضحكة فراشة رقيقة تجري وتلعب بين الأغصان كان نفسي اكون رسام بس الريشة جفت وماعرفتش اكون فنان

وجهة نظر كلمات أيمن البكري هيحصل إيه لو كل واحد غلط قال أسف وإعتذر دايماً بنندم بعد فوات الأوان بعد ما بنتكسر والغالب والمغلوب الكل ف الاءخر خسر ودلوقتي الخيانه بقت وجهة نظر مبقاش فينا حد طيب الكل بيدوس على جرح التانى علشان تعلى وتكبر لازم تفضل كداب وأنانى الكل اتفقوا على خداعك وأقرب واحد فيهم ليك باعك شافك وإنت بتتدمر وقف يسقف على أوجاعك ومين فينا ماكنش ف يوم خاين ومن جوه مش باين مخبى ف قلبوا حاجات لو طلعت هتطرح شوك يملى جناين مين المديون مين الداين كلنا بقينا للبيع عايز تشترى تعالى اتفرج وشوف وعاين هنا للبيع ضمير ميت وناس بتغدر وناس بتخون وناس ب الكدب تتسيط وناس بتسئ الظنون وناس عاشقه تشوف الخوف ف أى عيون وإل يقول الحق يبقى أكيد مجنون عشقنا الظلم حبينا أوسخ حاجات فينا والعدل جوانا مدفون

حبك دمار ~~~~~~~ كنت فاكره الحب دا مجرد حكايه أو قصه حلوه بتتقرا في فصل في روايه واما شوفتك روحي راحت وحلمت بيك وانت معايا نظرتك خلتني اشوف الدنيا ورد وارسمك وإيديك بتحضن فيا ضعفي بقوتك حبيت ملامحك كلها وحنيتك وحلفت أكونلك نور ودار وحاربت كل الدنيا دي وآمنت إنك انتصار ومشيت طريقي وقلبي مطمن معاك خليت ملامحي كلها دايبه في هواك وبقيتلي شمس تدلني وكمانجا تعزفلي حكايات خليك هنا علشان حياتي بدون وجودك ناقصه روح .. والضحكه من غيرك شجن خليك سكن .. أحضن حيطانه واترمي في ضله وحماه. انا قلبي تاه ومعاك حضر ولقيت مشاعري كلها متحاوطه بيك انا كلي ليك. أحضني بس وضمني وانا بين ايديك وألضم ضلوعي بضحكتك خليني أعيش دي الدنيا من غيرك مفيش والروح في بعدك متساويش ! ليالي أحمد الأسعد