قصيدة بعنوان كان نفسي اكون رسام بقلم عفاف محمد عبد الصادق
قصيدة بعنوان
كان نفسي اكون رسام
بقلم عفاف محمد عبد الصادق
دنيا وعايشنها
كان نفسي اكون رسام
ارسم ملامحي وتفاصيل
وكمان يومي كان عامل ازاي
احكي حكايتي بالوان ريشة ورطوش فنان
ارسم قلب مشقوق نصين
نص مكسور وحزين
ونص طريقه فيه أشجار
شجرة تضلل علينا لو تعبنا من المشوار
وشجرة عليها عصفور فرحان
بيغني لبكره ويحلم بليل آخره نهار
شجرة تالتة نمد ايدينا ونقطف منها احلي ثمار
كان نفسي اكون رسام
ارسم لوحة لشابة حزينة دمعها سيل من الامطار
ارسم شاب بيجري عليها يمسح دمعة يقول اشعار
وكمان يمكن يكون انسان بروح اب وحضن امان
ارسم ضحكة فراشة رقيقة تجري وتلعب بين الأغصان
كان نفسي اكون رسام
بس الريشة جفت وماعرفتش اكون فنان
تعليقات
إرسال تعليق