الشاعر المبدع غانم ع الخوري يبدع بنص حب وحلم
. حب وحلم
كل ما خيالك ع بالي مرق
عيوني بتلمع بشرارٍ برق
حتى تهدى النفس و خليها تروق
بشكي همي للكاس
و بشرب عرق
أوعى من سكرتي الصبح
على بكير
صوت منجيرة راعي
و زقزقة عصافير
أقعد و انطرك بشوق ولهفة
على درب الغدير
الممر إللي مطرز بالزهر
و مثل الحرير
لمّا تتأخري شوي احتار
و يزداد عندي القلق
نار حبك جمر و عم تكويني
هدني البعد و زادَ العنيني
بجرعة من رضابك
تعالي بليليني
وارحمي قلبٍ
كاد يحترق
.. غانم ع الخوري ..
٢٠١٨/٨/٤
تعليقات
إرسال تعليق