تسل لساني ( زجل مغربي) بقلم الشاعر المائز محمد دومو
تسل لساني
( زجل مغربي)
ف نهار يا سيادي
وأنا گالس مرتاح
نتمعن ف لمكان ونشوف
جربتني لحروف
وتسل معاها لساني
أصبحت عوام ف بحور
نقدف ونسايس لمواج
لقصيدة سايرة تتقدم
مسافرة بفكري وخيالي
طيور تتبعني وتحوم
اخيرات كثيرة وطعام
تنبع من كلامي بالتمام
غير توكل يا هذا وزيد
هديتي ليك اليوم زينة
عامرة أحكام ومعاني
شوف بعنيك وحقق
تأمل ف الكلام ودقق
الضيف ما يتشرط
ومول الدار كيف گالو
ما يتقلق ولا فيه يفرط
هكذا رباوني الجدود
كلام يتگال أ لخوت
بيه نحيا وعليه نموت
-بقلم: محمد دومو
-مراكش/ المغرب
تعليقات
إرسال تعليق