آش نگول!؟ ( زجل مغربي) بقلم الشاعر المغربي محمد دومو
آش نگول!؟
( زجل مغربي)
الشمس غربات وراحت
و آش بغات مني الدنيا؟!
حققت سوايع فهاذ الشوفة
سرحت بخيالي وبالوفى
طريقي كلها تلاوي
ما هي، يا ناس، طريق!
عامرة غير بالحفاري
ت الحبيب والصديق
شفتني العين الضارة
غير البارح
وبقيت نعاني وديما
عقلي سارح
نحقق ف الناس و دالح
نشوف بعيوني
والدمع على خدي
يجري وسايح
باب كبير تحل اليوم گدامي
اكشف ليا لمخبي
اصبح باين و واضح
ينطق بتسوالو ويگول!
فين سهيتي عل الغفلة؟
وعلاش زمانك غير أنت
ما بغى يتقاد وترتاح
لكلام مسموع ليا وليك
يا أنت وأنا
يا الداخلين والساكنين فيا
بغيت من هاذ لكلام ثاني
يكون سامع اليوم كلامي
ويرجع طريقي ف البوح
ويكون ف هاذ الدنيا
هو خويا وضوي وهلالي
-بقلم: محمد دومو
-مراكش/ المغرب
تعليقات
إرسال تعليق