النفاق زايد قوي بقلم الشاعر محمد عنانى
النفاق زايد قوي
بقلمي محمد عنانى
والنفاق زاد بالقوى
بيجيده نصاب فهلوي
بالبيضه يلعب والحجر
لاهو طبيعي ولا سوي
لكنه شاطر في الكلام
دايما عليه تلقا الزحام
وللقيم تلقاه هجر
شيطانه ماسك للجام
فين مايمشي يكون وراه
مادام هواه ناسب هواه
ولو بمين حتى غدر
حلم الوصول هدفه ومناه
لو حتى على غيره يدوس
دا كل شئ عنده الفلوس
ويلاقي زيه من البشر
ضعاف ضماير والنفوس
وما بينا دول كتير كتير
بدون حيا وبدون ضمير
بعجيب زمان فيه العبر
منهم بنصرخ نستجير
تعليقات
إرسال تعليق