التراب يرجع ل التراب (زجل مغربي) بقلم الشاعر محمد دومو
التراب يرجع ل التراب
(زجل مغربي)
التراب يرجع ل التراب
يا الغادي فالدنيا غشيم
تذكر الدين بلي جاب
كون مخيار واحب الخير
شلى من بحالك دازو عباد
صالو وجالو بالتبدير
نساو فالدنيا يوم المعاد
ما ينفع غير فعل الخير
التراب يرجع ل التراب
والإنسان يصبح فقير
لا مال..
ولا جاه تما يتصاب
غير العمل الصالح يا فهيم
لهيه تتلاقى مع لحساب
ويبان الغني من لفقير
نهار التراب يرجع ل التراب
ما تنفع ندامة يا غشيم
وجد وكن مصواب
وتسامح فالدنيا..
وكون رحيم…
-بقلم: محمد دومو
-مراكش/ المغرب
تعليقات
إرسال تعليق