النصاب (المحتال) بقلم الشاعر المبدع محمد دومو
النصاب (المحتال)
( زجل مغربي)
لكلام ك يتݣال هايج بحور
ديما شر مخبي بين السطور
يتحايل ويدرݣ عليك ف العيب
المعنى واضحة وبلا من الزور
يهاجمك بالكلام الزين نمنمق
بشلا حكايات فارغة وشرور
يتسنى منك غير ترطاب
هكذا حال كل كذاب ونصاب
يغش ف الناس ويبكي ويجور
ويعيب ف أفعال ذاك المظلوم
الله ينجينا من كل شخص نصاب
ويستر أولادنا من شر الكذاب
ثعلب ف سيفة بنادم آه..وآه..
يتربص ونيبو بارزة ال لعباد
توهم الكل بالضحكة والمستور
راه الديب ما يضحك ولا يتأمن!
سلالة الغدر ورثها يا مسحور..
-بقلم: محمد دومو
-مراكش/ المغرب
تعليقات
إرسال تعليق