الراكب الموجة! (زجل مغربي)بقلم الشاعر محمد دومو
الراكب الموجة!
(زجل مغربي)
تعلمت فحياتي شحال من تويشية!
عرفت أمور متنوعة وكثيرة
وب نباهتي..لقيت ليها الحيلة
وغابت عليا أمور مختلفة
ما كانت ف البال على ما كان
كنت البارح لبيب وباقي صغير
وظنت عند راسي أصبحت فهيم
مشات بيا أيام..
وجات من بعدها أيام..
وبالتجريبة بانت لحقيقة
كنت غير طايش..وغشيم
فلبداية كلشي ك يكون ساهل
واضح ليك مزيان وباين
ما تعرف آش غادي يوقع يا مسكين
كلامي هذا ليك يا ذاك لعشير
واضح وضوح الشمس وحكيم
المعرفة بحور عميقة
والراكب مسيوݣ بالموجة
ديما حاير كيقدف ب علومو
وكيبان فوسط لبحر قزيم
آش عند حبة ت الرمل ما تظهر؟!
ف صحرة كبيرة ما تحدها عين!
يا ذاك الدايخ بحالي والحاير
وياك ݣدام الناس تتظاهر
تتخيل راسك عارف وفاهم
راه الفاهم لحقيقي شطنو لحمام
عجبتو الولفة والعشرة
عايش متسلي بيه ومقصر
واترك رفاݣة هاذ الإنسان
-بقلم: محمد دومو
-مراكش/ المغرب
تعليقات
إرسال تعليق