الشاعر محمد عنانى يناجي البحر بنص يابحر قولي
يا بحر قوللي
بقلمي محمد عنانى
يابحر عندى سؤال خَطَر على بالى
وانا وَحدِى قَاعد هِنَا سَرحَان فى مَوَالى
مَا تقُوللى إِيه السبب فى مُوجك العالى
يمكن صحيح الهوا ولا دا شىء تانى
ولا الهُموم في الجوف زيي وبِتعَاَنى
بسببها ضاعت آمال والحلم وأماني
والموج دا صوت الآلم وكإنه آه ياني
ولا الصحاب فاتوك صَبَحت وحدانى
وإتهد صرح لخيال وكنت له باني
ودُقت مر المرار صبح الخليل جاني
آلاقي عندك جواب يا بحر لسؤالي
إوعاك تسوق الدلال تقوللي وأنا مالي
يمكن جوابك شِفَاَ ويرتاح معاه بالي
وبيه تزول الألالم عندك وأحزاني
وترد فيا الروح وألقا البعيد جاني
إن كنت مره حَكيِت قول تانى علشاني
ماتخافش سِرَك فى بير إنت حبيب غالي
وأنا بأصون السر لا كاني ولا ماني
تعليقات
إرسال تعليق