اِلِلي نَبَت بحرام بقلم الشاعر محمد عنانى
اِلِلي نَبَت بحرام
بقلمي محمد عنانى
اِلِلي نَبَت بحرام
إزاي يكون صالح
دا أكيد وبالتأكيد
لازم يكون طالح
حياته في التهبيش
مع الفساد سارح
تِلقَاه أساسه مفيش
زي غُراب جارح
ويا الحرام بيعيش
وفي النفاق واضح
أما ضميره مفيش
وسوء الأدب فاضح
ما غير بشر وأذى
حنضل يكون طارح
ودا نسله بالتاكيد
فيه الحرام ناضح
واللي نَبَت بحلال
شقيان وفيه كادح
لو كان بليل ونهار
مُر ومرار طافح
راضي بقليله سعيد
وقت الحصاد فالح
ما دام يكون الخير
فيه الأساس رابح
تعليقات
إرسال تعليق