الشاعر محمد دومو يرسم نص بعنوان أسمع لكلام
اسمع لكلام!
(زجل مغربي)
اسمع ال لكلام مزيان
وديرو فلودن يكون ميزان
وجالس الناس لخيار
المعنى ف حديثهم كتبان
لسان مقعد ماشي زربان
كلشي تصيبو محسوب بلقوام
واليوم كلشي تفتن وأصبح تلفان
والعيشة شاعلة تكوي ب النار
تواضع لله نوصيك يا فلان
والخير ديما ديرو ف البال
الصحة ما تدوم على ما كان
فكر من ليوم لا تصبح خسران
هذا كلام المعقول لي ك يتݣال
يا مجمع لعباد نسا ورجال
وصايتي ليكم بشدان اللجام
براكة من طريق كلها محال
هكذا ݣالو البارح ناس زمان
كلام الحق باين وبلا تخمام
-بقلم: محمد دومو
-مراكش/ المغرب
تعليقات
إرسال تعليق