قصيدة :بعنوان الحب اللى كان بقلم الشاعرة: عفاف محمد عبد الصادق
قصيدة :بعنوان الحب اللى كان
بقلم : عفاف محمد عبد الصادق
مشيت وعنيا معصوبة
علشان مفكرش ف اللى
فات
وغيرت كتير سكة
حكيت فيها معاك
حكايات
وطويت كتاب سطرت
فيه اجمل صفحات
وبقيت أغير اى كلام
بيجيب سيرة لذكراك
واغانى الحب اللى كانت
بينا بطلت اسمعها وبعود
نفسي على السكات
وبعاند قلبى ف غرامك
حتى الشجرة اللى شهدت
حبى النهاردة رافضة ايامك
انا بس باسالك قدرت تفرح
من غيرى وتنسى معاها
لياليا
طب لما تبص ف عنيها
مش بتفكرك بياولما
تمشى معاك ف طريق
بتحضن أيديها ايديك
طب بتحس بحنيتها
وخوفها عليك
قلى يمكن تطمنى إنك
شايفنى فيها وصورتى
مافارقتش عنيك
ولا زيى هتكابر وتقول
بقيت ذكرى
وسحابة صيف ف يوم
نكرة
والمركب اللى جمعتنا ما
اتحركتش من ع الشط
والموج اللى رفعها كان حلم
ف يوم نوة شال فينا وحط
والنجوم اللى شهدت على
قسمك انى معاك على طول
الخط
ورسايلك ليا كات ايه
طب احلف أنك ما كتبت
فيها كلمة ف سطر
تعليقات
إرسال تعليق