التابعة بقلم الشاعر محمد دومو
التابعة!
( زجل مغربي)
السترة ديما طبيعة مزيانة
ولغواث لكثير يدوخ الراس
راه التابعة مصيبة كاينة
تصبح تالف والݣلب عساس
تدمر المتبوع ب العيون المشرارة
وتعيي المضرور ب ترياب الساس
كثرة لفام تعود غير محلولة
برى عليك، يا السامع، والباس
هاذي نصاحتي ليك اليوم الغالية
ما تفيق اللغيط ولا تعيق الناس
الحاجة المستورة راها مبروكة
ما تجعلك سهران الليل بلا نعاس
شحال من عظيم كان عناية
تبعوه ب لحفير بحال شي فاس
لا مزية فالدنيا مسكين قضاها
ولا تركوه يعيش بلا ما يتقاس
-بقلم: محمد دومو
-مراكش/ المغرب ( 25 دجنبر 2023 )
تعليقات
إرسال تعليق