تعيا ما تجري!-بقلم: محمد دومو -مراكش/ المغرب
تعيا ما تجري!
(زجل مغربي)
تعيا ما تجري وتلالي
لا من يحس بلي كتعاني
من غير الخالق لعظيم
تعيا ما تحزر وتراري
لا من يعبر حبك الجاري
لوفا ف الكلب لي مربيه
تعيا ما تعاود همك ل الناس
ظان فيهم الخير بزاف
تصبح حكاية لقصاير يا لغشيم
تعيا ما تشكي وتبكي
واد بالدموع عل الخد جاري
سوّل لي طايح عليه الضيم
-بقلم: محمد دومو
-مراكش/ المغرب
تعليقات
إرسال تعليق