طاح الحك وصاب غطاه بقلم الشاعر محمد دومو

طاح الحك وصاب غطاه

( زجل مغربي)

من عثرة إلى عثرة

ولفت نطيح ديما ونوض

من لمحاين لكثيرة لمعاودة

تعود نصبر ونسى ونزيد

هذا هو ديما حالي!

عايش لمحاين وحداني!

ݣلبي أصبح كلو وشام

وليام تتشابه وكلها عندي ظلام

لا ثقة لقيت ف أحبابي

ولا محبة ݣرات فعشراني

طاح الحك وصاب غطاه!!

كلام من زمان ورثناه

يتسمع فلوساط ويتساغ

شكون يا ناس الحك؟!

وشكون غطاه؟!

الحك يا سامع النديب

هو خيابت حظي وأيامي

هكذا بالتخمام فهمت لكلام

ولغطى يا ذاك اللبيب

مجموع محايني وهمومي

هكذا فسرت المعنى بالتمام

وكلا يشرح على ݣانتو وهواه

ليوم اقتانعت واقنعت كثير

ومليت لخطوات لقديمة لي خطويت

-بقلم: محمد دومو

-مراكش/ المغرب