كثر الهرج ما يجيب الصبر بقلم الشاعر د. طاهر مشي
كثر الهرج ما يجيب الصبر
**********************
شكيت مواجعي ليك يا بحر
حبيبي هجر ما رد الخبر
طار النوم من عيني جفا
وصد الشوق ركبني الخطر
ننشد ليش خلاني غريب
بين الشط وأمواج وهجر
دمعي سكيب واشتد النحيب
وبعد الحلو نتجرع المر
شيانت حالتي قبل المغيب
وصد النوم واطوال السهر
ما ندريش نستنا الحبيب
والا نعاود لأول سطر
نخط مواجعي كلاني الصهيد
وكلو كلايلي رمت الوعر
نشق برور متليع وحيد
وياما دروب لو تحفظ السر
وياما حمول في ثقل الحديد
على لكتاف شلناها عبر
ووين زهر صيد الفلا
سكنت القايلة وربك ستر
وجبت دروب ما نشرب الما
دخلت فجوج مدى شبع البصر
وقلت هنا، نحسبها الخطأ
ونبني دار من كوم الحجر
ونسكن فيه ونجيب القطا
يجي المكتوب ينزاح الكدر
وياما حسبت، حساباتي عديدة
نسجت الحلم، ما قديت شر
حلمت حلمت، بين وقضة ومنام
سكنت الحلم والحلم انكسر
رجعت ذليل نترجى البحر
يداوي مواجعي يرضا الضمير
وياما ناس بقلوب(ن) حجر
وياما حزن، في قلوب البشر
ليك اليوم يا بحر اشتكيت
وظني فيك، موجك ما غدر
شوف لحالتي، كني ضرير
بعد الخل، فارقني النظر
وياما شكيت، في وطئة الليل
وياما سهرت، اناجي في القمر
البدر لغاب، ناظني خذيت
كثر الهرج، ما يزيد الصبر
طاهر مشي
تعليقات
إرسال تعليق