حاسب قبل ما تناسب :✍️ بقلم الكاتبه هاله الهواري

حاسب قبل ما تناسب :✍️ بقلم الكاتبه هاله الهواري

---------------------------------------------------------------------

لو قررت تتزوج لازم تعرف ان الجزواج ده شيء مش سهل ابدااااا، الزواج يعني تكافؤ بين الزوجين عشان الحياة بينكم تنجح وتستمر وتكون هادئة ومستقرة، التكافؤ ليست فالحب والاعجاب والشكل الجميل والمنظر ولا حتي في الارتياح بل التكافؤ في كل شيئ.

النسب في الزواج :

-------------------------------------------

النسب في الزواج مهم جداً جداً شوف نفسك انت هتناسب مين ؟؟؟ الوراثة والمحيط والمجتمع والبيئة جميعهم من العوامل الاساسية المؤثرة في تكوين شخصية الانسان وبنيته الفكرية والنفسية البيت اللي انت هتدخله والناس اللي هتحط ايدك في ايدهم وهتربط اسمك باسمهم وهيبقوا جدود واخوال اولادك لازم تختارهم بعناية ودقه ولازم تدرس الموضوع الف مره قبل ما تقدم عليه دور على اهل محترمين وعيلة تتشرف بيها قدام الناس وقدام اولادك ، ورجاله عاقلة تشرفك وترجعلهم لو حصل بينك وبين مراتك اي مشكلة.

العرق دساس:

------------------------

مستحيل تلاقي بنت اتربت في بيت و بيئة معينة الا لما تكون شربت واتأثرت بظروف البيت والبيئة اللي نشأت فيها ، ومستحيل تفصل طباعها عن طباع اهلها ولا هتعرف تغير اللي هي نشأت وكبرت عليه ، مهما اظهرتلك من مشاعر حب او محاولات منها للتغير علشانك ، مهما حاولت هتلاقيها بعد فترة بتحن لعاداتها وتقاليدها ونشأتها و بترجع تاني للطباع اللي اتربت ونشأت عليها لإن العرق دساس}

طيب فكر في المشكلة الاكبر وهي تربية اولادك لأن الأم هي اللي بتربي وخصوصآ لو كنت راجل مغترب او بتغيب وترجع.

في هذه لحاله اطفالك بيكبروا في حضن امهم وبيتأثروا بطبعها اكتر منك بكتير فتلقيهم اخدين كل الصفات وكل الطباع منها، إنت مش بتختار زوجة لنفسك فقط انت بتختار ام لأولادك الاول.

صفات اولاد الاصول:

----------------------------

فالزواج شيء مش سهل واختيار الزوجة لازم يخضع للتفكير بالعقل قبل القلب ولمعاير محدده قبل المبادرة، وبنت العيلة اللي اصلها طيب هتلاقيها واقفه معاك في وقت الفرح ووقت الشدة مخلصه تقف جنبك وتسندك هتلقيها راجل في ضهرك، ومش هتعايرك بظروفك ولا حالتك التي وصلت ليها ولا هتتغير عليك في يوم من الايام مهما جار عليك الزمن ، ولا هتمن عليك بوقوفها جنبك لو ربنا فتح عليك.

اوعى تنجرف ورا شكل جميل او كلام معسول او مشاعر زائفة وتتسرع وتتزوج اي بنت مش مناسبه ليك اوعي تقول الحب كل شيئ، اوعي تقول طالما بنحب بعض ومتمسكين ببعض ملناش دعوة بإي حاجه لا اهل ولا بيئه ولا ظروف ولا عادات وتقاليد هو الحب والارتياح شيئ جميل لكن لازم يكون مدعوم حتي يستمر ، حاسب قبل ما تناسب..