ودايما بأحبك بلادي بقلم الشاعر محمد عنانى
ودايما بأحبك بلادي
بقلمي محمد عنانى
بأحبك وحأفضل أحبك بلادي
ومَالكه روحي وساكنه فؤادي
حبك حقيقي موش حب عادي
لكنه عشقي وكمان فيه مُرادي
أملي إنتي وصُبحي اللي نادي
وجنة حياتي طِيرى اللي شادي
وإنتي لعمري نوري اللي بادي
حضني وسكني أهلي وولادي
أمسي ويومي بكره اللي غَادي
لو كان في قُربي ولا ف بُعادي
إن كُنت راضي ولا ف عِنادي
وحتي في منامي عليكي بأنادي
خُديني في حضنك وحِني بلادي
وكفايه قسوه مفيش غير ودادي
هوا اللي حيلتي ماغيره مِدادي
وبرغم ليلي في ظلامه وتمادي
وبرغم دمعي وهمي اللي زادي
وأنا في وادي وإنتي في وادي
حأفضل يا غاليه مادد لك أيادي
لاجل ما تِرضي بروحي أَهادي
وبالغالي أصونك من أي عَادي
وعلى عهدي دايما بأحبك بلادي
تعليقات
إرسال تعليق