أنا عايش بقلم الشاعر المتآلق... أندرو فرج
أنا عايش
جرح القلب بقي عاده
وكاس المر علقمه زياده
يا عابر من شوارع دنياي
أمانه تجيبلي حبة سعادة
عرافه ماشيه وندهتلي
تضربلي الودع حيرتني
قالت حظك قليل يا مسكين
بخنجر مسموم بالصراحه
طعنتني
ضحكت ضحكه من ورا قلبي
وبيها أداري أنا غلبي
سبتها ومشيت أكلم نفسي
ماشي تايه عن دربي
من يومها وانا بأسي
وهموم الكون غطت رأسي
والدنيا من هم لهم ترميني
وبالفراق قتلت أحساسي
أنا عايش ف الدنيا غريب
قلبي مجروح وفاقد حبيب
وكل ماجي أفرح أتوه
وفي عز نهارى شمسه تغيب
وبقيت غريب عن اهلي وناسي
رحال بين البلاد أأسي
بلاد توديني وبلاد تجبني
وسفني مابقاش ليها مراسي
تهت عن المرسي ونسيت البر
وبموت من البرد ف عز الحر
وحشاني أحضان الحبايب
والحلو ينزل جوفي مر
يارب علي فراق الأحباب صبرني
ومن رحمتك ما تحرمني
محتاج رحمتك ربي
في دنيا غداره تسندني
أندرو فرج
تعليقات
إرسال تعليق