قصيدة علبة ألوان كلمات/أيمن البكري
قصيدة
علبة ألوان
كلمات/أيمن البكري
الاءبيض صعب تلاقيه
إوعي تتخدع فيه
هتقابلوا من بره يبان
مخلص وامين إنسان
لاكن من جوه جبان
سواد وحقد ماليه
ولو دققت ف وشوا
كلوا باين ف عنيه
الاءصفر لونوا مخطوف
شايل الهم علي إكتافوا
ولا العمر الحظ ف يوم شافوا
الدنيا جأي عليه
ودموعوا ماليه عنيه
غلب الغلب ف أوصافوا
البني داه لون عربية سعادة البيه
راجع أخر اليل بعد سهره ف الكباريه
بيبحتر فلوسوا شمال ويمين
علي البنات والكيف
وتشوفوا تقول محترم وشريف
يبان من بره إنوا نضيف
لاكن من جوه سفيه وسفيق
الاءزرق لون السما بيبان
كأنوا أجمل الاءلوان
ف ساعة الفجر وقبل طلوع الشمس
وصوت العصافير يهمسلي ف وداني
وبنت جميله غرقانه ف احضاني
وقلب حنين بيطبطب
وإيد لمستها بترطب
وأصحي علي ضي الشمس
داه كان حلم لاكن الواقع أصعب
الاءسود لون الاءحزان
بنشوف فيه ألامنا وأوجاعنا
الناس إل كانت معانا زمان
راحت وفارقت الدنيا
وسابت جوانا خوف
وعيون مش قادره تشوف
ودنيا عماله تتغير
مبقاش فيها أي أمان
الاءحمر لون علي شفايفها
تصدق ما كنتش عارفها
بجد إتغيرتي كتير
وباين عليكي العز
وكأنك رجعتي سنين
وحاسس عنيكي بتقولي
شوف دلوقت وصلت لفين
افتكرت شفايفك دي
كام مره لمستها ب إديا
وكام مره سرحت عنيكي ف عنيا
وكام مره بكيتي حضني
وقولتيلي إحلف وإوعدني
عمرك يوم ما هتسبني
وف الاءخر إل سابتني إنتي
وبعد سنيين مقابلاني
تعليقات
إرسال تعليق