يا نجمة الطلت على الأعياد بقلم الشاعرة سفيرة السلام د. منى ضيا
يا نجمة الطلت على الأعياد
وحملتي معك تياب بيض و جداد
فوتي ع قلوب كل البشر
وعبي البيوت فرح وأمجاد
وتبشر بميلاد حب وخير
بميلاد المخلص على الكل ينعاد
دربك يا مخلِّص الدرب الصحيح
جمعت قلوب الناس ع الحق الصريح
وجمعت بمغارتك
الدفا المريح
ويطمئن الناس بروح بشارتك
وصارت الأرض ع خطوتك تمشي
وتقول نتلاقى بعام جديد
وخبيتك بين عيني وبين رمشي
وشفت السنة لابسي تياب العيد ..
وتلاقت ع حبك حب العقول
منقول كل الصفا فيكم وشو منقول
يا ليلة الميلاد تلاقي ع حب النبي
ويا ليلة القدر لاقي فينا مسيحنا الرسول
ويا عام جديد خبي فينا
فرح وأعياد وحب بأغانينا
وضوي شجرة الميلاد بعام مليح
وبأيام تجمعنا بحب المسيح
وتزيح عن أوطانا غيم أسود
وتزهر على دروبنا الكون الفسيح
يا ليل ضوي ع سنة جديدي
وتصيروا يا رفاقي بقلب عيدي
وتخلي إيام السود كتير بعيدي
و منضمد جروح وطنا الجريح.
و منضل نتلاقى ع كنيسة النبي
ومنأذن ع حب مريم وإبنها المسيح.
كل عام وأنتم أحبابي
بقلم د. #منى_ضيا
تعليقات
إرسال تعليق