من وصفها.... سحر ابوالعلا
من وصفها....
سحر ابوالعلا
كلمتني عنك كتير
عشقتك من وصفها
غصب عني من كلامها
عشقتك زيها
أو ممكن أكتر منها
و ازاي فى يوم ابوح لها
و اقول لها اني عمري ما خنتها
بس غصب عني من كلامها
عشقتك زيها
لما جت فى يوم قالتلي
انها غلطت فى حقك
و انك رغم غلطها صالحتها
و لما جت وصفتلي حبك
و اهتمامك و احتوائك
و ازاي كنت فى حنانك
أب و ازاي فى خوفك
كنت أخ و عمرك فى يوم
ما هجرتها أو حتي مرة جرحتها
وانك فى عز غضبها كنت قادر تحتويها
و لما تتكلم كنت افضل مستمع ليها.
فغصب عني وقتها عشقتك معاها
لما جت توصف ملامحك و كأنها
كانت بترسم فى عيني صورتك
لما شفتك يوم عرفتك من ملامحك
من كلامها و وصفها .
و عذرت قلبي لما شفتك ازاي يحبك
من مجرد وصفها.
بس غصب عني وقتها اني عشقتك زيها.
تعليقات
إرسال تعليق