شعر غنائى) شوك وردك يادنيا بقلم الشاعر محمد يونس
(شعر غنائى)
شوك وردك يادنيا
شكنى وبكانى
وطرحك قبل الاوان مر
مررنى وسوانى
هو نصيبى يادنيا كدة
ازرع الفرح..والحزن
الناس علية حسدانى
لية يادنيا جرحانى
الكل فيكى بيعانى
اصرخ وانادى ماسمعانى
مجروح ودايما وجعانى
لية فى حزنك دعيانى
لية يادنيا تعبانى
حزين يادنيا ومافرحتش
شيال همومك ماقدرتش
اهرب منك ماعرفتش
لية فى فرحك نسيانى
لية يادنيا تعبانى
امتى يادنيا تسيبينى
وعلى بر الفرح ترسينى
وان شاكيت تسبينى
وعن حبايبى بعدانى
لية يادنيا تعبانى
همومك دايما شكانى
منك منك اة يانى
اهرب على فين ياحبسانى
نفسى افرح لثوانى
لية يادنيا تعبانى
شوفنا ياما وشوش كاحلة
واللى راسم حواجبة
وابو كحلة
دبور اذية مش نحلة
والخلق دايما ليمانى
لية يادنيا تعبانى
تريحينى مارضياشى
مين حبايبك مادراشى
رخيصة وعندى ماغلياشى
لا شمة وردى ولا ريحانى
طب لية يادنيا جرحانى
بقلمى
محمد يونس
تعليقات
إرسال تعليق