لاللتعصب أنا زمهلاوي بقلم/فارس الكلمة أحمد رفعت المصري
#لا للتعصب
أنا زمهلاوي
بقلم/فارس الكلمة
أحمد رفعت المصري
لو سألوك بتشجع مين...قول من غير تفكير...زمهلاوي.
كلمة ما بين فريقين كبيرين...أهلاوي وزملكاوي.
يعني ما فيش فرق غير اللون...يبقى الباقي كله غناوي.
أوعى في يوم تقلب طربيزه...وتقولي أصلي كده ناوي.
أتعصب يوم ماتش الدوري...أعقل يا أبني دا كله مساوي.
والجمهور في الماتش دا أصله...أخويا وجارك عم قناوي.
يعني الطوبة هتيجي في نفسك...يعني الأحسن تبقى مخاوي.
يوم بتشيرت زملكاوي أصلي...ويوم أهلاوي.
يوم في مدرج أهلي القمة...ويوم مع عمك سي زملكاوي.
يعني ما فيش فرق يا عم أحمد...قولوا حاجة يا عم فتاوي.
وما تفتيش وتقولي دي كورة...لاء مش كورة دا شغل قهاوي.
دي الكورة فن وأخلاق...ولعبة جميلة وجوول شتلاوي.
يعني برجل تكون شمالي...وعارفة طريق الجوول طوالي.
أسمع يا أبني كلامي وركز...ومتبقاش كده غلباوي.
فاكر عمك صالح باشا...وفاروق جعفر، وبيبو، وإمام، والتشجيع كان مالي الملعب أفراح وغناوي.
كانت الأيد كده جنب الأيد...صلبة قوية أأقوى من شنب النجعاوي.
وكلمة هقولها لكل مشجع...أوعى في يوم تتعصب، وأوعى في يوم تكون همجاوي.
أصل الكورة لعبة جميلة...بتمتع كل زمهلاوي.
#لا للتعصب
فارس الكلمة
أحمد المصري
تعليقات
إرسال تعليق