من كتابات الشاعر هشام عبدالله مش بأمرى
من كتاباتى
هشام عبدالله
مش بأمرى
...............
من أول يوم فى عمرى
حبيتك ومش بأمرى
كنتِ طيف فى خيالى
كل ما أشتقلك ألقيكِ
دائما يا حبيبتى فى بالى
متغرب من غيرك تعالى
مهى الدنيا بيكِ تعالى
ما أنا من أول يوم فى عمرى
حبيتك ومش بأمرى
قلبك ليا طريقى
ساكن فيه قلبى دا ليكِ
مطمن فى يوم .. يبقى حٌبك
هو يا حبيبتى بيتى
سيبى الأحزان لينا
مش راح حتيجى
وأذاى وأنتِ خلاص حبيبى
ما أنا من أول يوم فى عمرى
حبيتك ومش بأمرى
قربى ليا متخفيش
دى الدنيا من غيرك .. متسويش
ولا تبقى فيها فرحه .. متتكسفيش
خلينى بحُبك أعرف فى الدنيا .. أعيش
سنين كتير أتمنيتك
وبهواكِ أنا دوبت فيكِ
والحٌسن من نظرة عينيكِ
طب يا حبيتبى تعرفى تعدى اليالى
دى فيها دقات قلبى ليكِ ليلاتى
وهيصعب عليكِ فيها حالى
وآه من حُبك مع سهر اليالى
خلت عيونى متشوفش غيرك .. وطيفك
ما أنا من أول يوم فى عمرى
حبيتك ومش بأمرى
كنتِ طيف فى خيالى
كل ما أشتقلك ألقيكِ
دائما يا حبيبتى فى بالى
تعليقات
إرسال تعليق