(أعز ناسي) بقلم الشاعر، صبري السعيدى
(أعز ناسي)
عشنه اثنينه
مانفترق يوم
احس روحي
أصبحت من أعز ناسي
وإذا مره
خلفت آنه المواعيد
يهدم شوقها
بيتي اعله راسي
حنينه وعن وفاها
أعجز اهواي
وفيه وصابره
رغم المآسي
تعارفنه ابدرب
عشنه أجمل اسنين
واخذنه بالعشق
رقم قياسي
بحرنا وشوكنا
يزداد كل يوم
وبقينا ننتظر
راحة مراسي
متى مرسى يلمنه
ونستقر بيه
ونصل يايوم
تغيير الجناسي
واخلص تالي
عمري آنه وياه
بقربه أشعر
وتسعد حواسي
وننهي مرحلة
بعد المسافات
وحال الناس
نسعد بالاماسي
صبري السعدي
العراق
تعليقات
إرسال تعليق