سألونى بقلم غاده عبد المنعم
سألونى
بقلم غاده عبد المنعم
سألونى انت مين
قلت شاعر
قالوا انسان حساس
ولا فى الكلام بارع
قلت أنا
اللى حاسس وشايف
كل شيء حوالي
انا اللى الدموع
سالت فى عيني
انا اللى من الحروف
كتبت احلى كلام
انا اللى حروفى
بتتغنى
ويتعزف منها ألحان
انا اللى عاشق كل ام
وعنها كتبت احلى كلام
وكتبت منه اغانى
وعزفت ألحان
انا اللى عن مصر
بلدى. بلدى وبلد ولدى
بكتب عنها كام موال
انا اللى عن الحب
بكتب بحور أحزان
انا اللى عن الفرح
بكتب احلى كلام
وبكتب عنه اغانى
وبعزف ألحان
انا الشاعر
انسان حساس
عايش دايما
يحس بكل الناس
بكتب عن فرحهم
وعن حزنهم
واكتب قصص
وكام موال
مين غيرى حاسس بالناس
وعن أحوالهم ومشاكلهم
معاهم عاش
انا الشاعر الحساس
اللى بيقول كلام
من قلبه
كلام صادق وحساس
عايش انا بعقلى وفكرى
مش بس بالأحساس
مش اى كلام بقوله وخلاص
لا كلامى له قيمه ومعنى
ياما عل الفرح جمعنا
وياما عل الحزن
بكيت عينينا ودمعنا
كلامى حساس
من القلب طالع
يحكى عن الناس
يحكى مشاكلهم
ويحكى أحزانهم وافراحهم
يا ما سهرت انا
عشان أهديهم
واغذل لهم
عقد من احلى حروف
أغلى من الذهب والماس
انا الشاعر
تعليقات
إرسال تعليق