برة البرواز...بقلم الشاعرة. سحر ابوالعلا
برة البرواز....
سحر ابوالعلا
برة الرواز
صورة قديمة
متعلقة ع الحيط
جوة برواز خشب
مسكاها حتة خيط
برواز ازازه انشرخ
جيت امسحه اتأذيت
بصيت جوة البرواز لقتني
الصورة مش صورتي بس تشبهني
أيوة انا
أيوة أنا الصورة و البرواز
و روحي مكسورة زي الازاز
بصيت عليا حزنت لمستني اتأذيت
ما انا اصلي صورة قديمة
متعلقة ع الحيط
اول ما ايدي طالتها
لقيت خيطها انقطع
ما هو اصله كان دايب
من كتر الوجع
فتحت البرواز
بصيت ع الصورة
لقتها لسة جميلة
اتاري العيب مش فيها
العيب فى البرواز
الصورة على حالها
و الشرخ في الازاز.
تعليقات
إرسال تعليق