من كتابات الشاعر هشام عبدالله»»» جايز
من كتاباتى
هشام عبدالله
جايز
..............
جايز يوم يعدى عليه
ويفتكر أن غرامى كان ليه حقيقه
كانت ما بين إيديه
تاهت ويا عذابى معاه
ضاعت لما عرفنى أساه
وليه مسألش قلبه ليه
وله لسه الحب متعرفش عليه
جايز يوم.....
جايز أنى معرفتش أحبه
وله مخلتش قلبى يضمه
وله حتى خليت فكره
يشغل باله ويسرح فيا
جايز يوم ....
لاء متأقولش يا قلبى عليا غبيه
ما أنا ياما عرفته طعم الحنيه
كان لما بيتعب أضمه بعنيه
كان لما بيتكلم أسكتله شويه
وأخلى أحساسى ده بيته
يرتاح فيه هو وأزيده
وليه دلوقتى يخلينى عنه غريبه
يبعدنى عن قلبه بريبه
ولا حتى كنت ليه
فى يوم برضو أسمى حبيبه
جايز يوم ....
جايز يوم يعدى عليه
ويفتكر أن غرامى كان ليه حقيقه
راح أستنى وأشوف أيامه
تأخده لفكره يحاير فيه
ويترجى النوم ميجافيه
ويأسى بسهر أيامه ولياليه
وسعتها مش هفكر للحظه
أكون وقلبى أنا ليه
جايز.......
تعليقات
إرسال تعليق