البيوت... بقلم الشاعرة꧁꧂ سحر ابوالعلا
البيوت...
بقلمي سحر ابوالعلا
البيوت مش حيطان و طوب
البيوت أرواح البيوت قلوب
البيوت ذكريات متجمعة
جوة منا مسمعة
البيوت ماضي جوانا عايش
و لا ابدا يوم يموت
يمكن تنهد الحيطان
يمكن تنقفل البيبان
يمكن كمان
نبات و نصبح متفرقين
تبعد ما بينا السنين
كل واحد فينا
ينسي التاني فين
لكن ابدا ما ننسي
احنا مين
احنا البيت القديم
و الحيطان متزينين
متزينين بحب
مهما افترقنا
احنا برضو زي ما احنا
جوة منا بيوت قديمة محفورة جوانا
مهما خدتنا الدنيا ذكرياتها مجمعانا.
تعليقات
إرسال تعليق