وداعا مشالي بقلم فارس الكلمة أحمد المصري
#وداعا مشالي
بقلم فارس الكلمة
أحمد المصري
وداعا مشالي طبيب الغلابة
وداعا ملاك في زمن الديابة
كشفك بسيط..حياتك بسيطة
لكن أدبك..أدالك مهابة
وداعا مشالي طبيب الغلابة
روحك هتفضل تملي معانا
وكمان هتفضل تملي في دعانا
علشان أنت كنت بأمانة
بأمر الله رمز لدوانا
وداعا مشالي طبيب الغلابة
بنيت لنفسك جنة لوحدك
طوبة إيمان وطوبة بتعبك
وفضلت تعلا وتعلا بعلمك
لحد ما زاد في القلب قدرك
وداعا مشالي طبيب الغلابة
بعشرة جنية فاتح بيبانك
وبأرخص سعر بتكتب علاجك
وكمان عندك جوه في دولابك
ملبس وتوفي يا بخت جنابك
وداعا مشالي طبيب الغلابة
براحة غريبة راضي بحالك
وسايب ثروة كبيرة لعيالك
وسيرة هنفضل نحكيها ديما
وسايب ذكرى جوه ف مجالك
وداعا مشالي طبيب الغلابة
وداعا وربك شاهد عليك
وعملك راجعلك يدور عليك
زرعة الخير حبة بإيديك
طلعت جناين تضلل عليك
وداعا مشالي طبيب الغلابة
بقلم فارس الكلمة
أحمد المصري
تعليقات
إرسال تعليق