متونس ببيل،، بقلم الشاعر غانم ع الخورى
. متونس ببيل
حكيتيني قلتيلي خيفانه و بردانة
وحدو حضنك يدفيني بها الليل
قلبي نط من محلو مدري خوف
أو فرح أكثر من شبر قولي قليل
ماشي بعجل وثيابي بللها المطر
بعتم و شتي بحس الدرب طويل
جاي عندك بعد ما الناس ناموا
لفلف عباتي و ملثم متونس ببيل
لما تفتحي الباب تغمريني بالشوق
إتحرر من الثياب يللي صابها بليل
إتخلص منهم بحجة لا ينشفو
بعدها صار لبسهم عليّ مستحيل
يتدخل إبليس قصد يصلح بيننا
أفكارو راقتلي و كلها شي جميل
ع مخده وحصير تعاركنا وتقلبنا
بأُنس و محبة و يضويلنا القنديل
صرخاتنا نكتما خوف وزود خجل
توصل حاسد وهات ع قال و قيل
يشقشق الضو يعلن بدء الصبح
تنتهي قصة عشق ما إلها مثيل
بعد قهوتك إللي إنت مسك عطرها
ودعك عتبان على فكري الهزيل
إتسحب هربان كأني ولد حرامي
خايف مخبي وجهي مغطى بمنديل
.. غانم ع الخوري ..
تعليقات
إرسال تعليق