علي ورق سولفان كلمات/أيمن البكري
علي ورق سولفان
كلمات/أيمن البكري
علي ورق سولفان
إكتب الحكايه
إكتبها من البدايه
إكتبها يازمن
إكتبها أبيض وإسود
وإرسمها ب الاءلوان
وقولها وإنشرها
وإحكيها ف كل مكان
حكاية واد صغير
البرأه ف عنيه
حظوا كان قليل
والدنيا جأت عليه
شال الهم بدري
من وهو عيل
مش عارف يعمل
كبر الواد وبقا شاب
وإبتدت قصه جديده
ف الحزن والعذاب
أيام طويله
مش عايزه تعدي
ومركب مهما أدف
بردوا مش راضيه تمشي
وبحر مليان
أمواج ودومات
وماضي مفيهوش
غير أسوء ذكريات
وأنا وسط كل داه
بعافر لوحدي
وأنا وسط كل داه
إل كنت فاكرها
هي حب عمري
هتقف جانبي وهتسندني
كانت أول حد
داس علي قلبي
وغدر بيا وذلني وكسرني
ولما سألتها غريب كان ردها
بتقولها بتريقه
أسفه معلهش كان غصب عني
كنت عايزني أعملك إيه يعني
يالا ماجتش عليكي
داه إنتي يدوب ورقه
ف دفتر إل خاني وإل باعني
كل أما أقول
قربت أهيه
ألاقي لسه بدري
علي نهاية الطريق
بدور علي القشايه
إل هيتعلق فيها الغريق
كل إل ضيعت عمري عليهم
مابقتش فارق دلوقت
معاهم ف أي شئ
علي ورق سولفان
إكتب الحكايه
إكتبها من البدايه
إكتبها يازمن
إكتبها أبيض وإسود
وإرسمها ب الاءلوان
وقولها وإنشرها
تعليقات
إرسال تعليق