مـشـتــــــــاقـلك،، بقلم الشاعر ♕فتحي فرج
*مـشـتــــــــاقـلك*
***************
باشتاقلك لو كنت مسافر
واشتاقلك حتى وانا في حضنك
آه يا بنت الإيه يا مشغلاني
مش قادر لحظه على بعدك
*مشتاقلك*
تيجي نحكي لبعض كده في مره
عن نسمة وطلت مع فجري
أو ضحكه بتسحر يوم عقلي
أو شمس بتطلع يوم بدري
أتاريكي ف قلبي ووخداني
تسقيني من بلسم حبك
آه يا بنت الإيه يا مشغلاني
مش قادر لحظه على بعدك
*مشتاقلك*
يـا حنين القلب المتعـافي
ونسيــم الحب المتصـافي
روح قول لحبيبتي اني بحبك
لو حتى ها سافر ما تخافي
أتاريني ف قربك وحشاني
وانا قلبي على طول مشتاقلك
آه يا بنت الإيه يا مشغلاني
مش قادر لحظه على بعدك
*مشتاقلك*
*********************
مـن ديوان قبل فوات العمر
شعر / فتحي فـرج ******
تعليقات
إرسال تعليق