ع الفتحه والله انا ناوي 📰 بقلم الشاعر، 📰 ميدو ابو هريدي

ع الفتحه والله انا ناوي

واخطب حبيب العين

شاللاه يا مدد يا قناوي

دحبيبي واروح انا فين.......ع الفتحه والله انا ناوي

❤❤❤

وارث من عمي وخالي

بدل الفدان اتين

وبحبك والله وشاري

آه منك يا بنت الزين.........ع الفتحه والله انا ناوي

❤❤❤

وافرح بخلفي وخلفك

ولد وياريت اتنين

مستعد كمان احلفلك

بشتاق باليوم والاتنين........ع الفتحه والله انا ناوي

❤❤❤

وتيجي بتنا وعزوتنا

والاهل بالجمعين

لا يفرق بنا عزولنا

يحرسنا الله م العين..........ع الفتحه والله انا ناوي

❤❤❤

بقلم الشاعر الغنائي / ميدو أبو هريدي