خبر عاجل كلمات٠٠٠٠٠٠ أيمن البكري
خبر عاجل
كلمات٠٠٠٠٠٠
أيمن البكري
كل يوم بنصحي علي
خبر عاجل
مفيش حد دلوقت بيصون العشره
مفيش غير غدر وخيانه وكسره
نغلط وبعدين نحس ب الندم والحسره
والعدل ف حياتنا بقا ضيف شرف غايب
خبر عاجل
عن أخ بيقتل أخوه
وإبن عاق بيضرب أبوه
وناس بتفقد عقلها
وتتشتت وتتوه
وناس بتاجر ف لحم الناس
وكأننا بقينا سلعه ف سوق
خبر عاجل
عن واحد فاجر
خطف بنت وإغتصبها
وقتلها ورماها وسابها
هرب وكان فاكر
إنو خلاص فلت منها
دي لو عدت ف الدنيا
إذاي نسي حساب ربنا
إل ف الاءخر
خبر عاجل
لما هتسمعوا تقول
الناس إيه إل جرالها
عن إم قتلت أطفالها
لا فكرت ف براءتهم
ولا صعب عليها دمعتهم
إتنزع من قلبها الرحمه
وف لحظه قضت علي حياتهم
خبر عاجل
عن واحد ذاد يأسوا
ف لحظة ضعف قتل نفسوا
مالقيش ليه مكان خالي
وواحد دبح مراتوا وعيالوا
إذاي طوعتوا نفسوا
داه ياناس الضنا غالي
وواحد قتل واحد
علشان سبب تافه
داه مين قلبوا كان جاحد
مين الخاين ومين السافه
ومين إل فاكر نفسوا ف العالي
خبر عاجل
عن واحد بعت لمراتوا
واحد تاني علشان يفضحها
كنا زمان نسمع عن واحد
ساب واحده أو ف مشاعرهاجرحها
دلوقتي بنسمع حكايات
وبنشوف قصص وحاجات
ولاعمرنا كنا نتخيل
هيجئ يوم وهنسمعها
عن أخ إغتصب إختوا
وأب بيبيع بنتوا
وبنت بتبيع نفسها علشان تعيش
وناس بتبيع لحمها والتمن ميساويش
وأهي دايره وعلينا بتلف
ولا عمرها الدموع هتجف
ولا عمرنا هنرضي ب المكتوب
بنسلم نفسنا لشيطان
ونندم بعد فوات الاءوان
تعليقات
إرسال تعليق