من كتاباتى
هشام عبدالله
معندهاش
....................
معندهاش ... كلام لقلبى وليا .. معندهاش
حاولت كتير تحكى وتقول
كلام لقلبى بيه يتعاش .. لكن معندهاش
نظرة عيونها تسكن فيها سحر الليالى
وأشواق ليا بطولها بس .. ماعشتيهاش
مهى .. معندهاش ...
ياللى ما بين عيونك ليا بحر ومرايه
ببص فيهم يغرق قلبى فيكِ وهوايا
أعدى البحور وليكِ فى هوايا حكايه
بدايتها كلمه وأخرتها قلبك أهو بقى معايا
معندهاش غير حياه بطيبه وهى ليا أجمل حبيبه
مهى .. معندهاش ...
معندهاش غير حنية قلب
يرق .. يدق .. ويضم .. وبيه يتعاش
معندهاش غير نظرة عيونها
تطل منها شمس وجودها
تنور بيها ليالى ليا بطولها وبيها تتعاش
أبص ليها يتزين خجل خودودها
بطيبه وحمره جميله
يفرح قلبى بيها ويعيش معاها كل اللفات
معندهاش ... كلام لقلبى وليا .. معندهاش
حاولت كتير تحكى وتقول
كلام لقلبى بيه يتعاش .. لكن معندهاش
غير حب وبيه يتعاش
تعليقات
إرسال تعليق