لف الزمان كلمات @ أيمن البكري
لف الزمان
كلمات @ أيمن البكري
لف الزمان
ورجعت تاني ندمان
قلبك بيشكي وعنيك بتبكي
مكسور ضعيف جبان
عايزني أخدك ف حضني
بتقولي إوعدني
نرجع كل إل كان
مستني إيه دلوقت رد مني
غير إني هأقولك فات الاءوان
لف الزمان
وإل إنته عرفتوا زمان
دلوقت بقا حد تاني
قدرت أكون فعلا" أناني
أيوه أنا إتغيرت
مستغرب ليه من كلامي
مش إنته كنت سبب ألامي
ولا نسيت إن إنته إل إخترت
إخترت البعاد
أنا لسه فاكر أخر معاد
إتقابلنا فيه
قولتلي مش هقدر أتحمل
صعب قوي إن أكمل
ساعتها أنا سألت نفسي
إذاي حبنا هان عليه
شفتك وإنته رايح لغيري
ولا همك إيه هيكون مصيري
كسرت قلبي ونكرت خيري
مقولتش غير منك لله
وأنا يعني كان ف إيديا إيه
دلوقتي بس راجع
تقلب عليا المواجع
عايزنا نرجع ذي زمان
مش عارف إيه بس أقولك
إذاي عقلك صورلك
إني ممكن أرجع أديلك أمان
ولا إنته خلاص نسيت
أنا أد إيه أسيت
والسبب كان واحد ندل وجبان
دلوقتي بتقول ياريت
ما أنا كنت بين إيديك
دوست علي كل إل بينا
وماصعبتش عليك
لف الزمان
ورجعت تاني ندمان
قلبك بيشكي وعنيك بتبكي
مكسور ضعيف جبان
عايزني أخدك ف حضني
بتقولي إوعدني
نرجع كل إل كان
مستني إيه دلوقت رد مني
غير إني هأقولك فات الاءوان
تعليقات
إرسال تعليق