أغنية حلاوة اسكندرية،،، بقلم الشاعر، هشام عبدالله
أغنية
حلاوة اسكندرية
..................
يا جميله يا أسكندرية
الضحكة فيكى باهية
والناس فيكى عايشه وراضية
وقلوبهم بالحب صافيه
وأحنا منهم بالضحكة متعودين
منورة بيكى شمس الأحبه
ويقعدوا على شطلك كل مره
يحكوا لقلوبهم أحلام فيها متغربين
يا جميله يا أسكندرية
الضحكة فيكى باهية
بقف على شطك أسرح
وأتمنى أن العمر يطول
وينوبنى من الحب حبه
وأقعد على شطك ساعة المغارب
وما بين عيونى
ميه ومراكب وأتمنى ليها راكب
مع ناسك الطيبين
دى النجمه فى سماكى تفرح
وهموم الدنيا فى هواكى
ملهاش فى العمر مطرح
يا بلد الطيبين
يا جميله يا أسكندرية
دى الضحكة فيكى باهية
أشواق مكتوبه كتير فى رملك
وساعات تجرى منى وأنا جنبك
وليلك معايا مش طويل
وبحرك دوا لقلوب العاشقين
دى مراكب كتير تغادرك
وعيون تبص على شاطك
على أمل أنهم ليكِ راجعين
واللهى محلاكى يا مارية
لأتمنى أعيش العمر كله جنبك
دى الناس فيكى عايشه وراضية
وقلوبهم بالحب صافيه
وأحنا منهم بالضحكة متعودين
...................
من كتاباتى
تعليقات
إرسال تعليق