أغنية حِكمة بقلم الشاعر، 📰 هشام عبدالله
من كتاباتى
أغنية
حِكمة
.............
وليه لما بنزعل
نعمل مش سامعين
ويروح كل واحد فينا
على أساس مش راجعين
طب ما نشوف
ونقعد تانى نتكلم
ونشوف الغلط على مين
يمكن نضحك نتعلم
ونبقى متصلحين
شوف ياما قلوب مش بتشوف
يفضلوا على العناد مش مفهوم
ويباتوا على فراق ... ما تشوف
طب وليه لما بنزعل
نعمل مش سامعين
مانجرب مره نتقرب
دا الخلاف كتره .. بيكدر
والعمر مره مش أكتر
موجود علشان لينا نتقدر
لينا فكر .. وقلب نتباها
مهو أحنا مخلوقين
يا ناس بنى آدمين
وليه لما بنزعل
نعمل مش سامعين
دا الخلاف بنا
موجود فينا ميزه ..
من رب العالمين
علشان نعرف نتعلم
نتقرب يمكن نتقدم
ومين يعرف حكمة ربنا مين
طب وليه لما بنزعل
نعمل مش سامعين
....................
تعليقات
إرسال تعليق