الفرحه حلوه كلمات ٠٠٠٠٠٠الشاعر 📰٠ أيمن البكري
الفرحه حلوه
كلمات ٠٠٠٠٠٠٠
أيمن البكري
الفرحه حلوه بس المر إل ف أيامي
مخلانيش أحس بطعم فرحه
علي طول قبل ما أحلم بتتهد أحلامي
علي طول الدنيا أسيه وجارحه
من أول حبيبتي إل ضاعت قدامي
شفتها بعيني عروسه ولابسه طارحه
بتقولي أسفه مقدرتش كسرتني ألامي
سامحني وأنا راضيه ومسامحه
كملت وقابلت حب جديد
كنت فاكر إني هبقي سعيد
والقصه نفسها بتعيد
أتهد وأتباع وأتخان
كفايه يادنيا داه أنا إنسان
مش حجر ولا حتي حديد
بستغرب ياقلبي إذاي قدرت تتحمل
كل داه ولسه صابر ومكمل
كان نفسي من الدرس تتعلم
كل الناس حواليك نفسها تفرح فيك
الكل مستنيك تنكسر وتبكي وتتألم
الفرحه حلوه بس مش ليا
الحزن تملي هو إل مكتوب عليا
لو عدي يوم ما بكتش فيه
بتوحشها الدموع عنيا
مبقاش فيه حد سند ولا حتي ضل
الكل بعد عن الطريق وضل
والحياه بقت صعبه وطعمها مر
تعليقات
إرسال تعليق