طبطب على كتفها 📰 بقلم الشاعر 📰 هشام عبدالله
طبطب على كتفها
..............
لو أنت بتحبها
وعاوز ودها
والفكر يشغل قلبها
متملش لقربها
وخلى عيونك مرسال
لحد قلبها
تسهر عيونها لحد فجرها
ويكحل جوفنها ويحير فكرها
وأوعى تبعت كلام
يخلى قلبك دايب
فى سحرها
دا يما قلوب تاهت
فى شوق هى مش قدها
لو أنت بتحبها
وعاوز ودها
...........
كلام كتير يتقال
يفرق بين الأحبه بمقدار
يسكت ليه عليه القلب
ويبات سنين محتار
دا الشوق هو العذاب
للى خلى الكلام مرسال للفراق
متخليش كتر الكلام
فى الودان يفضح الأسرار
دا يما كلام يتقال
فرق قلوب بمرار
.............
لو أنت بتحبها
وعاوز ودها
قرب منها وألمس قلبها
وأرسم الضحكه على الشفايف
وخلى القلب شايف
دنيا جميله من سحر ودها
لو أنت بتحبها
طمن قلبها بالأمان وحبها
وخليها نجمه فى سماك
تنور عليك لياليك
وهتلاقيها تمسح الدموع من عينيك
وفى أزمتك تلاقى كتفها سند حواليك
تميل عليه ... من بعد الدنيا ما مالت عليك
لو أنت بتحبها
طمن قلبها وطبطب على كتفها
.............
من كتاباتى
تعليقات
إرسال تعليق