أغنية ورقة فاضبة 📰بقلم الشاعر، 📰هشام عبدالله
أغنية
ورقة فاضبة
***************
سطرين كلام
والباقى شخبطه
ولو على الكلام
ما أنا أحوالى متلخبطه
محتاج كلام يعرف يضمك
ويخدك لقلبى اللى يقولك
عن لحظه عاشها
يوم ما حس
فى عينيك بنظرة أمان
لما عرفتى أنك حبيبتى أنا
سطرين كلام
والباقى شخبطه
ولو على الكلام
محتاج ساعات وأوقات كتير
أنى أقولك أنى فى غرامك
عاشت معايا أشواق وذكرى
يوم ما قبلتك
كانت فى قلبى
حكايات متلخبطه
فاكره هناك كنا المكان
ومعانا زمان ملهوش زمان
وورقه فاضية ملونه
كتبت فيها سطرين كلام
والباقى شخبطه
حاولت أقولك عن حب ضمك
سبت لقلبى من زمان هو يقولك
أتاريه لقربك
أحواله بقت متخلبطه
سطرين كلام
والباقى شخبطه
ولو على الكلام
ما أنا أحوالى متلخبطه
من كتاباتى
تعليقات
إرسال تعليق