مش مبرر انشغالك 📰 بقلم الشاعرة 📰 هند الشيخ
مش مبرر انشغالك
بقلم هند الشيخ
نفسى اشوفك لو ف حلمى
نفسى اطمن عليك
ليه بتبعد ليه بتهجر
وقلبى بينادى عليك
وكل ليله بيعاتبنى
ليه انا قولتلك نسيت
ليه بعاند حتى نفسى
ليه انا بكدب عليك
اصل الكرامه شئ أساسى
وعزة نفسى اولا وعاشرا
طول ما انت ناسى
انا كمان هفضل اعاند
هفضل اقولك مش بحبك
مهما وجعنى احساسى
الحب انك تفتكرنى
مهما كان حجم انشغالك
أنى اكون جوه عنيك
ساكنه نبضك
وشاغله بالك
مهما كان حجم انشغالك
وشوف قلبى رغم بعدك
رغم قساوتك
اتحجج بمية حجه وجالك
تعليقات
إرسال تعليق