فات زمان الإعتذار --📰 بقلم الشاعرة ليالي أحمد الأسعد
فات زمان الإعتذار
------------------
فات زمان الاعتذار
صدر القرار
لما هربت وسبتنى
فى طريق دمار
كان انتحار إني
أعيش فى وحدتى
واشرب مرارة غربتى
وانت سايبنى للهموم
عمرك ما فكرت يوم
تسأل عليا
تطمن القلب الحنون
ليه قسوتك ؟
ما تقول لى ليه ؟؟
عارفاك انا
من زمان
تحب دايما تبتعد
لما بكون عاشقاك أنا
وتسوق دلالك حبتين
تنسى الحنان
تنسى السنين
وبدون ماحتى
تقول لقلبى كلمتين
بتسيبنى للشوق والأنين
ليه بس ليه
ليه تقسى ليه ؟
وتعذب القلب
اللى حبك من زمان !!
ماتقول لى ليه ؟؟
انا عارفه انك
مش هاتقدر في يوم
تجاوب ع السؤال !!
---------------------
تعليقات
إرسال تعليق