أغنية أتعب نفسي ليه،، 📰بقلم الشاعر، 📰،، هشام عبدالله
اغنية
أتعب نفسى ليه
أنا مش هاعتبه... وأتعب نفسى على أيه
مكفايه شغلى عقلى .. وخطف الفكر إليه
ومكفاهوش أنشغالى .. وسهر طول الليالى
راح خطف القلب إليه...
وسابنى مع نفسى أشكى حالى بيه
لا دا أنا راح أعتبه ... مهو هو اللى بدا بعينيه
ما كنت أنا فى حالى .. ماليش فى اللى جرالى
من لهفة قلبى عليه
أنا مش هاعتبه... واتعب نفسى على أيه
مكفايه شغلى عقلى .. وخطف الفكر إليه
من ساعة ما عدا عليا .. وأيده لمسة إيديا.
تهوت أنا من نظرة عينية
دا الحب والحنيه .. ملهمش وصف ألا بيه
علشان كده راح أعتبه .. وأفكر فى اللى يشغله ... و يحير لياليه
لبعتله الشوق لعنده .. يخطف حتى حيرته
والنوم من عينيه
وينشغل لقلبى اكتر ... ويسهر الليل يفكر
ما هو اللى ساق دالاله .. واتحكم بحبى ليه
المرادى انا اللى حسحرله ... وأزود بنارى حيرته
وأدوبله قلبه بحبى .. بس براحه عليه
أنا مش هاعتبه... وأتعب نفسى على أيه
مكفايه شغلى عقلى .. وخطف الفكر إليه
شوفوا ياناس .. دى الشمس باينه من عينيه
منوره حياتى .. ميهمش اللى جرالى فى عشقى ليه
مهو حبيب حياتى ... ومهما ساق دلاله ... الله عليه
مملكش غير أنى أدوب فى حبه ... وأروح عليه
المرادى راح أسمحه .. بس حصلط عليه حبى و غيرته
يزودو ناره فى قلبه ... زى ما لخبط حالى بايديه
وهو ولا كان على باله .. أنى بشتاق إليه
علشان كده مش هاعتبه.. واتعب نفسى على أيه
من كتاباتى
هشام عبدالله
تعليقات
إرسال تعليق