متصدقيش 📰 بقلم الشاعره، 📰 هند الشيخ
،،،،،،،،،،،،،،،،،،. متصدقيش ،،،،،،،،،،،،،،،،،،،،،،،،،،
متصدقيش انى قويه
ولا يغرك وقفتى زى الجدعان
جامده وعفيه
ولا تفتكرى
انى ع المحن قادره
انا بس يامه
ع البلى صابره
وكل الحكايه أنى شقيه
اكمنى بنت صعيديه
دماغها ناشفه وعنديه
وراسها والف سيف
تتعامل كحد السيف
شايله كرامتها على رأسها
وتزعل اوى
لو حد داس على احساسها
انتى بس اللى فهمانى
وانتى بس اللى حسانى
وانتى اللى بتلمحى
ف سكوتى كلامى
وانتى يامه اللى بتعرفى
لما تبصى ف عنيه
من ايه بعانى
تعليقات
إرسال تعليق