وعود وغرام ) تجربة غنائية 📰بقلم الشاعر 📰محمود خليل رزق

( وعود وغرام ) تجربة غنائية 15/5/2020

# رح اعزف على وتار العود...لحنك يا ام عيون السود

رح راقص نجمات عيونك...رح لوّن ورد الخدود.

# خليني قربك موجود.... بقلب العطر بجنب ورود

اتمايل ع رقصة رمشك.... اقطف شهد من العنقود.

# خليني وثّق العهود ......... ساير قلبي بأحلى وعود

يا محلا هالضحكة تزين ....أيامي والفرحة تعود.

# يا قلبي شقدك محسود ..... عم تكتب بالحب قدود

تتباهى بنظرات عيونا... تتخطى بعشقا الحدود .

# رح خيّط بالزهر عقود..... وقيد روحي بأحلى قيود

تكفيني عيونك يا روحي...تا غني بالحب و جود.

# قلبي وروحي أحلى شهود... عمري لعيونك مرصود

يا أغلى ما شافت عيني..... رح اعزف ع وتار العود

محمود خليل رزق / سورية