الدمعة واخداني 📰---- للشاعرة 📰: نجلاء فتحي
الدمعة واخداني
------------------
للشاعرة : نجلاء فتحي
قاعد بفكر في حبيبتي
و الدمعة واخداني
ما هي اللي شايلاني..
و حامياني
وفي عز شدتي ضماني
و كل دا ما كان في حسباني
..............................
صحيح الغربة بتعلم
و أنا معلم
و متعلم
في مدارسها
و خطيت يااااما في كتبها
و كراريسها
و كنت فاكر إني دارسها
بس طلعت غلطان...!؟
..............................
دا حضنها
ما لقيت له زي
و رشفة من نيلها
ما في بعدها مي
و في عز النور تبقي ماشي
بس بعد الغالية
ما في ضي
..............................
و عيالنا معروفين
ما بين ملايين
بملامح و تقاطيع مصرين
بشهامة و رجولة ولاد البلد
و حكمة توفيق الحكيم
..............................
اطمني يا بلدنا علينا
ما تخافيش
و إن أصبح ولدك في يوم شهيد
فما تزعليش
رجالتك مصرين في كل زمان
إن بلدهم تعيش
رمسيس بني معبد
شهد عليه الزمان
و ياااااااااما غنالك حلم
و لا سيد درويش
..............................
يا حضارة ست آلاف سنة
و الهرم طول عمره
واقف لا اتكسر و لا اتحني
و النيل شاقق طريقه بحرفنه
ايد علي ايد يا مصر نزرع
طول السنة
لا محمد شال من مرقص
و لا حبهم انفني
و إن كنا بنواجه تعب
جميله جدا ياجميله
ردحذف